تعرف على مزايا تطبيق My NTRA الرسمي من الجهاز القومي للاتصالات

حسين شنشولآخر تحديث :
MY NTRA
MY NTRA

ساعد تطبيق My NTRA الكثير من مستخدمي شبكات الاتصالات لاننا في الأول كان التعامل مع شركات المحمول عذاب وكان صعب جدا، لو كنت عايز تحل مشكلة أو تستفسر عن خدمة هتتعب نفسك كتير وتضيع وقتك.

لأن الطريقة الوحيدة كانت تتصل بخدمة العملاء، ودول بياخدوهم وقت طويل، أو تروح الفرع، ودول كمان بياخدوهم وقت وتعب انك تستقطع وقت انك تروح الفرع وكمان زحمة.

بس مع تطبيق ماي نترا اللي هنقدمهلك النهاردة، كل ده بقى سهل ومريح ومش هياخد وقت.

تطبيق ماي نترا صدر من الجهاز القومي لتنظيم الاتصالات في مصر في السنة اللي فاتت، وتحديداً في 28 أغسطس 2021. التطبيق عجب كتير من الناس بسبب الخدمات الرائعة اللي بيقدمها.

تطبيق ماي نترا بيقدم خدمات كتيرة ومميزات كتير، ومن أهم المميزات هي منظومة الشكاوي.

مستخدم التطبيق يقدر يقدم شكوى على خدمات شركات المحمول في مصر في ثواني معدودة، من غير ما يتصل بخدمة العملاء أو يروح الفرع.

NTRA 4
NTRA 4

مميزات تطبيق الجهاز القومي لتنظيم الاتصالات ماي نترا

  • ميزة في تطبيق ماي نترا انه خفيف جدًاولا يتخطى 12 ميجا بايت، وبيدعم جميع إصدارات الأندرويد والأيفون، ولا يحتاج إلى هاتف بمواصفات عالية لتشغيله
  • ميزة نقل الأرقام (MNP): تقدر من خلال تطبيق ماي نترا تتابع طلبات نقل أرقام المحمول بين شركات المحمول في مصر، وهي خدمة مجانية بتقدمها شركات المحمول، بحيث تقدر تنقل خطك من شركة للشركة التانية بنفس الرقم
  • في تطبيق ماي نترا تقدر تقدم شكاوى على خدمات شركات المحمول في مصر
  • وفريق خدمة العملاء في التطبيق بيتابع الطلبات دي على مدار الساعة
  • وبيحل المشاكل في أسرع وقت ممكن، وبدون ما تضطر تروح الفرع أو تتصل بخدمة العملاء
  • تقدر تختبر سرعة الإنترنت في ثواني معدودة، وبنتائج تفصيلية
  • سواء كانت شبكة الإنترنت من الواي فاي أو من بيانات الهاتف من أي شركة محمول
  • في تطبيق ماي نترا تقدر تستعلم عن الخدمات الترفيهية والباقات من شركات المحمول
  • وتقدر تتحكم في الخدمات الترفيهية مثل الكول تون، ومعرفة الرصيد بعد المكالمة، وغيرها من الخدمات.
  • كمان تقدر تعرف الباقات والأنظمة الخاصة بالشركات، وتقارن بين أسعارها ومدة الاستهلاك
  • عشان تختار الباقة المناسبة لاحتياجاتك وإمكانياتك المادية
  • يحتوي تطبيق ماي نترا علي خريطة تقدر من خلالها تشوف جودة الشبكة لشركات المحمول الأربعة في مصر
  • وبعد ما تحدد موقعك على الخريطة، تقدر تعرف جودة الشبكة في منطقتك، وتختار الشركة اللي بتوفر أفضل جودة
  • كمان فيه خريطة بتضم جميع فروع شركات المحمولتقدر تعرف أقرب فرع لشركة المحمول اللي بتتعامل معاها بسهولة.
  • معرفة الأرقام المسجلة برقمك القومي باسمك في جميع شركات المحمول المصرية، بطريقة سهلة وآمنة
  • بدون الحاجة الي الذهاب الي الفروع بتاعه الـ 4 شركات
  • الابلكيشن كمان فيه قسم بيضم جميع الأرقام المهمة للمستخدمين، زي أرقام الطوارئ المصرية
  • وأرقام التحكم في الخدمات والأنظمة الخاصة بشركات المحمول، وأرقام خدمة العملاء لجميع الشركات
  • امان التطبيق عالي جدا على المعلومات الشخصية للمستخدمين، سواء كانت أرقام هواتفهم أو رقمهم القومي
  • ودا بسبب انه من تطوير الجهاز القومي لتنظيم الاتصالات في مصر.
NTRA 2
NTRA 2

خطوات انشاء حساب جديد في تطبيق الجهاز القومي لتنظيم الاتصالات ماي نترا

  • الخطوة الأولى: دور على تطبيق ماي نترا على تليفونك، وبعدين افتحه.
  • الخطوة الثانية: في صفحة تسجيل الدخول، اضغط على زر “تسجيل دخول”.
  • الخطوة الثالثة: اضغط على زر “إنشاء حساب جديد”. اللي موجود في صفحة تسجيل الدخول
  • الخطوة الرابعة: ادخل رقم تليفونك المحمول.
  • الخطوة الخامسة: اضغط على زر “التحقق” عشان تستقبل رمز التحقق على تليفونك.
  • الخطوة السادسة: ادخل رمز التحقق اللي اترسل على تليفونك في مربع النص.
  • الخطوة السابعة: ادخل اسمك وكلمة السر اللي عايز تستخدمها في التطبيق.
  • الخطوة الثامنة: اضغط على زر “تسجيل”. عشان تعمل حسابك الجديد.

بعد ما تعمل حسابك الجديد، هتقدر تستخدم كل خدمات وميزات تطبيق ماي نترا.

تحميل تطبيق My NTRA

  • من المتجر الرسمي للاندرويد جوجل بلاي من هــــــنا
  • متجر الرسمي للايفون ابل اب ستور من هـــنا
اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

الاخبار العاجلة