مواصفات الموبايل المثالي للميزانية المحدودة شاومي ريدمي A2 بلس

شاومي اطلقت موبايلها الجديد Xiaomi Redmi A2+ أحدث إصدار للشركة في الفئة السعرية الاقتصادية من شاومي، ودا لانه بيجي بمميزات ومواصفات ممتازة.

زي ان الموبايل بيجي بشاشة كبيرة 6.52 بوصة بس بدقة HD+ دا غير انه بيحتوي على معالج ثماني الانوية من شركة ميديا تيك من نوع Helio G36 اللي يعتبر المعالجات دي من فئة الـ G من ميديا تيك اداءها ممتاز.

دا غير ان ذاكرة التخزين بتاعه الموبايل بتصل لـ 64 جيجا بايت، وكاميرا خلفية 8 ميجا بكسل، وكاميرا أمامية 5 ميجا بكسل، وبطارية كبيرة سعة 5000 مللي أمبير، وشحن مش سريع لانه بيجي بقدرة 10 واط فقط.

تعالو بقا نشوف مواصفات سريعة لموبايل اقتصادي جديد من شاومي Xiaomi Redmi A2+ وأهم مميزات الموبايل وعيوبه، وهل يستحق الشراء ولا لأ.

مواصفات موبايل Xiaomi Redmi A2 plus

الشاشة: من نوع IPS LCD وتأتي بمساحة 6.52 إنش بدقة الـ 720×1600 بكسل بمعدل كثافة بكسلات 269 بكسل
المعالج: من شركة ميديا تيك من نوع Helio G36 بتكنولوجيا 12 نانو مع معالج رسومي من نوع PowerVR GE8320
الذاكرة: نسختين 32/64 جيجا بايت ذاكرة تخزين مع 2/3 جيجا بايت ذاكرة عشوائية
الكاميرا: الخلفية بتيجي ثنائية 8+0.08 ميجا بايت وكمان الكاميرا الامامية بدقة 5 ميجا بكسل.
البطارية: 5000 مللي أمبير
نظام التشغيل: اندرويد 13 بواجهة شاومي المخففة الـ Go Edition

مميزات الموبايل

الموبايل بالرغم من ان سعرة منخفض الا انه بيدعم مستشعر البصمة دا غير انه بيوفر طريقة سريعة وسهلة لفتح الهاتف بالإضافة الي انها امنه في الاستخدام.
المعالج يقدم أداء مقبول وخلينا نقول انه تقريبا اقوي من سعر الموبايلوهو قادر على التعامل مع المهام اليومية دون أي مشاكل ودا اللي مطلوب من موبايل بالسعر ده وفي الفئة السعرية دي، والمعالج من شركة ميديا تيك من نوع Helio G36 بتكنولوجيا 12 نانو مع معالج رسومي من نوع PowerVR GE8320 فهو نفس المعالج الموجود في الـ Honor X6a
اما بقا بالنسبة للبطارية فالموبايل بيقدم بطارية كبيرة سعتها 5000 مللي امبير ودا اللي هيخليها تصمد للعمل لفترة طويلة خلال اليوم، مما يجعل الهاتف مناسبًا للمستخدمين الذين يستخدمون هواتفهم كثيرًا.
ذاكرة صلبة وعشوائية أكثر من كافية لملفاتك وتطبيقاتك بالنسبة للسعر اللي بيجي بيه الموبايل، مما يوفر لك مساحة تخزين كبيرة ومساحة كافية لتشغيل التطبيقات بشكل سلس دا غير انه بيدعم تشغيل كارت ذاكرة خارجي بمنفذ منفصل دون الاستغناء عن أي خط كنت تستخدمة.
الشاشة بتيجي على شكل النوتش قطرة المياه وكمان الشاشة من نوع IPS LCD دا غير ان مساحتها كبيرة 6.52 بوصة والدقة 720 × 1600 بكسل
ومعدل كثافة البكسلات 269 بكسل لكل بوصة وبشكل عام تعمل بشكل جيد سواء أثناء مشاهدة الفيديوهات أو لعب الألعاب، مما يجعلها مناسبة للترفيه.
الكاميرات الخلفية والامامية تقدم أداء جيد في الاضاءات الضعيفة ولكنها بشكل عام مناسبة للموبايل ده ولسعرة بس بالنسبة للدقة 8 ميجا بكسل مقبولة ، والامامية بدقة 5 ميجا بكسل.

عيوب الموبايل

منفذ USB بتاعه من النوع القديم، يعني مش هيدعم الشحن السريع ولا نقل البيانات بسرعة عالية.
الكاميرات بتاعته مش مبهرة، يعني مش هتصور صور أو فيديوهات حلوة زي الموبايلات الأغلى ولكن بردو دا الطبيعي في الاحسن
مافيش فيه بوصلة، يعني مش هتقدر تستخدمه في الألعاب أو التطبيقات اللي بتحتاج البوصلة او حتي في البرامج الخاصة بالطرق زي جوجل ماب.
شاحن الموبايل بطيء جدا بقدرة 10 واط ودا يعتبر ابطيء شاحن في الفئة السعرية دي
وكمان بياخد وقت كبير في الشحن بسبب بطاريته كبيرة وكل ده بسبب قدرتة الضعيفة جدا.
تصميم الشاشة مش الأفضل بسبب انه بيجي بنوتش شكلة قديم وكمان الحواف بتاعه الشاشة ما زالت كبيرة جدا
يعني مش هتقدر تستغل مساحة الشاشة كاملة وخصوصا الحواف السفلية للشاشة.
الهاتف مش بيدعم الميكروفون الثانوي الخاص بعزل الضوضاء، يعني هتسمع صوتك واضح في المكالمات، بس هتسمع صوت الضوضاء حواليك كمان.

سعر الموبايل

.مصر:
1. النسخة 32 جيجا مع 2 جيجا رام3600 جنية مصري.
2. النسخة 64 جيجا مع 3 جيجا رام3950 جنية مصري.
السعودية:
1. النسخة 32 جيجا مع 2 جيجا رام270 ريال سعودي.
2. النسخة 64 جيجا مع 3 جيجا رام300 ريال سعودي.
الإمارات:
1. النسخة 32 جيجا مع 2 جيجا رام260 درهم إماراتي.
2. النسخة 64 جيجا مع 3 جيجا رام300 درهم إماراتي.