هل يستحق اوبو رينو 10 برو بلس الشراء؟ مراجعة شاملة مع السعر والمواصفات

محمود عثمانآخر تحديث :
Oppo Reno 10 Pro Plus
Oppo Reno 10 Pro Plus

اوبو من جديد بتنزل اعلي موبايل ليها في فئة الرينو وهو الرينو 10 برو بلس فايف جي وهو أعلى إصدار في سلسلة رينو والسلسلة دي معروفه بتصميماتها المميزة، واللي بيجي بمميزات كتير اوي في الفئة السعرية دي

اولي تلك المميزات هي الشاشة اللي بتيجي من نوع AMOLED وكمان تصميمها منحنيه الأطراف 6.74 بوصة وبتدعم معدل تحديث 120 هرتز.

كل ده غير المعالج فيه اللي بيجي من شركة كوالكم من نوع Snapdragon 8+ Gen 1 وهو من نوع ثماني النواة بتردد 3.2 جيجا هرتز  والبطارية بتاعه الموبايل كمان بتيجي بسعة كبيرة 4700 مللي أمبير، بتدعم الشحن السريع 100 واط.

دا غير ان الكاميرا الخلفية بتيجي بثلاث كاميرات 50 ميجا بكسل رئيسية، 50 ميجا بكسل واسعة، و13 ميجا بكسل ماكرو قريب والكاميرا الأمامية فيه 32 ميجا بكسل.

تعالو بقا نتعرف على المميزات والعيوب وهل يستحق الشراء ولا لأ تواليا في المقال اللي احنا هنعرضة دلوقتي.

Oppo Reno 10 Pro +
Oppo Reno 10 Pro +

مواصفات موبايل Oppo Reno 10 Pro Plus 5G

  • الشاشة: من نوع AMOLED بمساحة 6.74 إنش بدقة 1240×2772 بكسل بمعدل كثافة بكسلات 451 بكسل بتردد 120 هيرتز.
  • المعالج  كوالكم حيث يأتي من نوع Snapdragon 8+ Gen 1 بتكنولوجيا الـ 4 نانو مع معالج رسومي من نوع Adreno 730
  • الذاكرة بذاكرة صلبة بسعة 256 جيجا بايت من نوع UFS 3.1 مع ذاكرة عشوائية بسعة 12 جيجا بايت من نوع LPDDR5x
  • الكاميرا:  الكاميرات الخلفية ثلاثية 50+64+8 ميجا بكسل والكاميرا الامامية 32 ميجا بكسل.
  • البطارية:  4700 مللي أمبير
  • نظام التشغيل:  اندرويد 13 مع واجهة أوبو الـ ColorOS 13.1

مميزات الموبايل 

  • تصميم مميز زي ما أوبو عودتنا يعني صدقني هتلاقي التصميم ممتاز وهتتعجب لما تشوف شكله، دا غير ان الخامات اللي الموبايل بيجي بيها من الزجاج للظهر والاطار من البلاستيك.
  • تصميم الشاشة ممتاز لان النوتش فيها علي شكل ثقب في منتصف الشاشة وكمان الأطراف الخاصة بها منحنية والاهم من كل ده ان الشاشة بتيجي ن نوع AMOLED
  • الشاشة بتيجي بمساحة كبيرة تصل الي 6.74 بوصة بدقة FHD+ وعدد البكسلات تصل الي 1240×2772 بكسل بمعدل كثافة بكسلات 451 بكسل لكل بوصة ودا اللي هيخلي الألوان الخاصة بالشاشة كبيرة وممتازة
  • الشاشة تقدم أداء سلس وخصوصا في الألعاب وعرض المحتوي ودا بسبب ان الشاشة بتدعم معدل تحديث مرتفع 120 هيرتز وكمان خاصية الـ HDR10+
  • وكمان فيه طبقة حماية علي الشاشة من نوع Asahi Glass AGC DT-Star2
  • اما أداء الشاشة تحت اشعة الشمس فا ممتازة ودا بسبب السطوع الي بيوصل الي 1400 شمعة فهتشوف المحتوي تحت اشعة الشمس بصورة طبيعية.
  • وبالنسبة الي أداء الموبايل فالموبايل بيقدم أداء ممتاز بسبب المعالج من شركة كوالكم حيث يأتي من نوع Snapdragon 8+ Gen 1 بتكنولوجيا الـ 4 نانو مع معالج رسومي من نوع Adreno 730 فهو نفس المعالج الموجود في هاتف الـ Xiaomi Poco F5 Pro والـ Nothing Phone 2
  • وبالنسبة الي أداء الكاميرات فالكاميرا الأساسية في الموبايل بتقدم أداء ممتاز لانها بتيجي بدقة 50 ميجا بكسل بفتحة عدسة F/1.8 مستشعر سوني IMX890 وهي الكاميرا الأساسية وتدعم المثبت البصري الـ OIS لتثبيت الصور ودي حاجة ممتازة
  • والكاميرا الخاصة بالعزل او التصوير القريب فا بتيجي بدقة 64 ميجا بكسل كل ده غير ان الكاميرا بتدعم التقريب 3 مرات زوم بصري حقيقي بدون فقدان أي تفاصيل، و120 مره من الزوم الديجيتال اللي معاه هتفقد شوية من تفاصيل الصور وكمان بتدعم التثبيت البصري فوق كل ده
  • باقي الكاميرات وخصوصا الكاميرا الامامية فبتقدم أداء قوي جدا بسبب الدقة المرتفعة 32 ميجا بكسل مع فتحة عدسة كويسة بتسمح لكمية ضوء انها تدخل الكاميرا
  • الموبايل بيدعم تصوير الفيديوهات بدقة 4K بمعدل التقاط 30 و60 إطار في الثانية
  • التجربة الصوتية في الموبايل كويسة اوي لان السماعات الخارجية صوتها استريو وكمان بيدعم ميكروفون ثانوي لعزل الضوضاء
  • الموبايل بيدعم الاتصال قريب الـ NFC وباقي المستشعرات زي لتسارع والقرب والبوصلة والجيرو سكوب وحساسية الالوان
  • بطارية الموبايل بتيجي بسعة 4700 مللي امبير واللي هتدوم لفترات طويلة من الاستخدام وكمان المعالج بيساعد علي التوفير في البطارية، وكمان الشاحن المرفق مع الموبايل بقدرة 100 واط فبيشحن الموبايل في وقت اقل واسرع بكتير.
اوبو رينو 10 برو بلس
اوبو رينو 10 برو بلس

عيوب الموبايل 

  • البلاستيك المصنوع منه الاطار سهل الخدش فلازم تاخد بالك وقت ما تستخدم الموبايل وكمان لان الموبايل مفيهوش أي دعم للمقاومة لا للماية ولا الغبار فلازم تركز كويس
  • الظهر اللي بيجي من الزجاج كمان مفيش عليه طبقة حماية وبالتالي عرضة اكتر انه يتكسر فلازم تستخدم الجراب الخاص بالموبايل.
  • برغم سعر الموبايل المرتفع ده الا ان الموبايل مبيدعمش الشحن اللاسلكي
  • الموبايل لا يدعم إمكانية تركيب كارت ميموري زيادة عن الموبايل وفي الاغلب انت مش هتحتاجة لان مساحة التخزين اللي في الموبايل كبيرة
  • الموبايل كعادة الموبايلات في الفئة السعرية دي مبيدعمش منفذ الـ 3.5 ملم الخاص بسماعات الاذن فلاز م تستخدم سماعة من نوع Type-C او سماعات بلوتوث ودي بتسبب تكلفة إضافية علي سعر الموبايل
  • الموبايل لما تيجي تصور فيديوهات بالكاميرا السيلفي اخر جودة ممكن تصور بيها هي الـ 1080 ومش هتعرف تصور فيديوهات بدقة 4K

سعر الموبايل 

  • الموبايل لم يعلن عنه بشكل رسمي حتي الان في مصر ولكن من المتوقع ان يصل الي 36 الف جنيه ودا سعر متوقع ممكن يكون اعلي.
  • اما بالنسبة الي السعر العالمي للنسخة 256 جيجا مع 12 جيجا رام حوالي 850 دولار .
  • والسعر في السعودية للنسخة 256 جيجا مع 12 جيجا رام بسعر 3000 ريال سعودي.
  • اما سعر الموبايل في الإمارات للنسخة 256 جيجا مع 12 جيجا رام بسعر 2650 درهم.

تقييم الهاتف

بشكل عام، يعد هاتف Oppo Reno 10 Pro Plus 5G خيارًا جيدًا لمن يبحثون عن هاتف بتصميم مميز وشاشة ممتازة وأداء قوي وبطارية كبيرة. ومع ذلك، فإن سعره المرتفع وعدم دعمه لبعض الميزات قد يكونان عيبًا بالنسبة لبعض المستخدمين.

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

الاخبار العاجلة