مراجعة موبايل اوبو a18 بطل الفئة الاقتصادية وأفضل تجربة استخدام استثنائية

محمود عثمانآخر تحديث :
اوبو a18
اوبو a18

أصدرت شركة أوبو واحد من أحدث تليفوناتها في الفئة الاقتصادية، تليفون Oppo A18 اللي جاي عشان يكمل مسيرة الإصدار السابق Oppo A17، ويجي معاه شوية تطورات وتحسينات تقريبا كنا متوقعنها في النسخة دي ودي اللي تجيب تجربة جديدة خالص لسلسلة  موبايلات الـ A من اوبو.

الاهتمام بالأداء واضح جدًا في التليفون الجديد، حيث تم استخدام معالج Helio G85 مع بطارية ضخمة 5000 مللي أمبير ومنفذ Type C وشاشة بمعدل تحديث 90 هيرتز.

فخلينا نتعرف على باقي المواصفات الكاملة للهاتف، وأهم مميزاته وعيوبه، وهل يستحق الشراء ولا لأ، في الفقرة الجاية.

مواصفات سريعة لموبايل Oppo A18

  • الشاشة: من نوع IPS LCD وتأتي بمساحة 6.56 إنش بدقة الـ 720×1612 بكسل بمعدل كثافة بكسلات 269 بكسل
  • المعالج من شركة ميدياتيك من نوع Helio G85 بتكنولوجيا 12 نانو مع معالج رسومي من نوع Mali-G52 MC2
  • الذاكرة بنسختتين من الذاكرة 64/128  جيجا بايت مع نسخة واحدة من الذاكرة العشوائية 4 جيجا بايت
  • الكاميرا:  الكاميرات الخلفية مزدوجة 8+2 ميجا بكسل والكاميرا الامامية 5 ميجا بكسل.
  • البطارية:  5000 مللي أمبير
  • نظام التشغيل:  اندرويد 13 بواجهة أوبو الـ ColorOS 13.1
oppo a18
oppo a18

مميزات الموبايل 

  • الفون شكله حلو وبسيط، ووزنه معقول ما يخليكش تضايق وانت بتمسكه، دا غير انه مقاوم لرش المياه الخفيف، فمش هيحصله حاجة لو نزل عليه ميه خفيفة لانه بيجي بشهادة الـ IP54.
  • لفون مزود بمنفذ USB من النوع الحديث، فده بيسهل عملية الشحن ونقل البيانات دا غير انه بقي المنفذ المتداول بين المستخدمين
  • الموبايل فيه كمان بطارية ضخمة وكبيرة 5000 مللي أمبير، فهتعيش معاك طول اليوم من غير ما تشحنه وتقدر تستخدم الموبايل معاها لفترات طويلة بدون أي مشاكل.
  • واحدة من اهم المميزات في الموبايل هو انه بيدعم تشغيل شريحتين إتصال وكارت ميموري في نفس الوقت، فده بيوفرلك مساحة تخزينية أكبر علشان الموبايل مساحتة صغيرة حتي لو 128 جيجا بايت
  • الموبايل مزود بشاشة كبيرة 6.56 بوصة من نوع IPS، بدقة 720 X 1612 بكسل بمعدل كثافة بكسلات 269 بكسل لكل إنش مع دعم الشاشة لمعدل التحديث الـ 90 هيرتز مع سطوع يصل الي 720 شمعة وهتلاقي استخدامها تحت اشعة الشمس كويسة
  • الموبايل مقدم بمعالج Helio G85، اللي بيقدم تجربة جيدة جدًا بالنسبة لسعر الفون، فده هيضمنلك أداء سلس لأغلب التطبيقات والألعاب فهو نفس المعالج الموجود في هاتف Xiaomi Redmi 12C

عيوب الهاتف

  • دقة الشاشة ليست عالية: دقة شاشة الفون 720*1612 بكسل، وهي مش عالية جدًا، بس مناسبة بالنسبة لفئة السعر وكان نفسي كمستخدم من المستخدمين ان تكون الشاشة علي الأقل بدقة FHD+
  • بالإضافة الي ان حواف الشاشة في الموبايل كبيرة نسبيًا فده ممكن يأثر على تجربة الاستخدام وكمان بيخلي التصميم مش احسن حاجة في الفئة السعرية دي.
  • وبالنسبة الي سرعة شحن الموبايل فهو بطيء جدا في الفئة السعرية اللي بيجي بيها الموبايل ودا علشان قدرة الشحن تبلغ 10 واط، فده ممكن يستغرق وقت طويل لشحن البطارية بالكامل ودا بسبب انها 5000 مللي امبير
  • وبالنسبة الي أداء الكاميرا الخلفية في الموبايل فهو أقل من المتوقع، حيث تبلغ دقتها 8 ميجا بكسل ولا تدعم التثبيت البصري دا غير ان الكاميرا الخلفية اقل من الإصدار السابق وبالتالي اداءها مش اقوي حاجة لا من الإصدار السابق ولا حتي في الفئة السعرية اللي بيجي فيها الموبايل.

سعر موبايل Oppo A18

  • الموبايل سعرة في مصر للنسخة 64 جيجا مع 4 جيجا رام بسعر حوالي 6000 جنية مصري تقريبا
  • وللنسخة 128 جيجا مع 4 جيجا رام بسعر 6250 جنية بس الموبايل زي ما احنا عارفين هتلاقيه في معظم المحلات بضمان دولي
  • وبالنسبة لسعرة في السعودية للنسخة 128 جيجا مع 4 جيجا رام بسعر 470 ريال سعودي.
  • في الإمارات للنسخة 128 جيجا مع 4 جيجا رام بسعر 450 درهم اماراتي

تقيمنا للموبايل

الموبايل بشكل عام، يستحق هاتف Oppo A18 الشراء، حيث بيوفر مميزات عديدة مقابل سعره، زي التصميم المميز، والأداء الجيد، والبطارية الضخمة، ودعم شريحتين إتصال وكارت ميموري في نفس الوقت،

وبالنسبة للكاميرا فالكاميرا خلفية أقل من الإصدار السابق الـ Oppo A17 فلا تتوقع أداء مذهل ولكن خلينا نقول ان موبايل سامسونج الجديد بفارق مش كتير هيقدم شاشة احسن وكمان ذاكرة اكبر وهو الـ A24  من سامسونج.

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

الاخبار العاجلة
يستخدم موقع الويب هذا ملفات تعريف الارتباط لضمان حصولك على أفضل تجربة إستخدام. كما أنه يستخدم ذاكرة التخزين المؤقت لحفظ بعض الملفات الخاصة بالموقع لتوفير صبيب الأنترنت لديك و تسريع تحميل الصفحات.
موافق