نزلت شركة هونر تليفونها الجديد المتوسطة وهو الـ HONOR 90 Lite اللي بيجمع بين الأداء العالي القوي في الألعاب ومعظم الاستخدامات وبين التصميم الأنيق وغير كل ده السعر مناسب.
واحدة من مميزات الموبايل هي الشاشة بتاعته اللي بتيجي من نوع IPS بمساحة 6.7 بوصة بدقة FHD+ ومعدل تحديث 90 هرتز دا غير الكاميرا الخلفية بتاعته 100 ميجا بكسل.
وكمان اللي بيساعد في الأداء هو المعالج بتاعه اللي بيجي من شركة ميديا تيك من نوع Dimensity 6020 دا غير الذاكرة العشوائية بتاعته 8 جيجا بايت
والبطارية بتاعته 4500 مللي أمبير بتدعم الشحن السريع بقوة 22.5 واط، وفي المقال ده هنتعرف على مواصفات سريعة للتليفون ده وهل هو متكامل يلبي احتياجات المستخدمين المختلفة ولا لأ، وهنشوف أهم مميزاته وعيوبه وهل يستحق الشراء ولا لأ.
مواصفات سريعة لموبايل HONOR 90 Lite
- الشاشة : من نوع IPS LCD وتأتي بمساحة 6.7 إنش بدقة الـ 1080×2388 بكسل بمعدل كثافة بكسلات 391 بكسل
- المعالج: من شرك ميديا تيك من نوع Dimensity 6020 بتكنولوجيا 7 نانو مع معالج رسومي من نوع Mali-G57 MC2
- الذاكرة: نسخة واحدة من الذاكرة 256 جيجا بايت ذاكرة تخزين، و8 جيجا بايت ذاكرة عشوائية.
- الكاميرا: الكاميرا الخلفية ثلاثية 100+5+2 ميجا بكسل والكاميرا الامامية 16 ميجا بكسل.
- البطارية : 4500 مللي أمبير
- نظام التشغيل : اندرويد 13 مع واجهة هونر الـ Magic UI 7.1
مميزات موبايل هونر 90 لايت
- الخامات اللي بتقدمها الشركة في النسخة دي من البلاستيك بشكل كامل ودا اللي بيخليه خفيف لانه بيوصل وزنة لـ 179 جرام بس، وكمان بيستحمل الصدمات الخفيفة .
- نيجي بقا لشاشة الموبايل واللي بتيجي من نوع IPS LCD وتأتي بمساحة 6.7 إنش بدقة الـ 1080×2388 بكسل بمعدل كثافة بكسلات 391 بكسل فالدقة بتاعة الشاشة FHD+ وبحواف قليلة جدًا
- وبالنسبة الي أداء الشاشة وسلاستها في الاستخدام فا الشاشة ممتازة ودا بسبب ان معدل تحديثها 90 هرتز وهتساعد في الألعاب وكمان الصفح ومشاهدة الفيدوهات وغيرها من الاستخدامات
- أداء الموبايل في الشبكات جيد جدا في الاستخدام ومش هتلاقي معاه أي مشاكل في الشبكات دا غير انه بيدعم ميكروفون إضافي لعزل الضوضاء في المكالمات
- وكمان في الأمان لان الموبايل بيجي بمستشعر بصمة ممتاز ودا اللي هتلاحظة من استجابة المستشعر السريعة وويأتي مدمج بزر التشغيل في الموبايل
- المعالج بتاعته لسه بيقدم أداء كويس، سواء في الألعاب أو المهام اليومية لانه بيجي من نوع Dimensity 6020 بتكنولوجيا 7 نانو مع معالج رسومي من نوع Mali-G57 MC2 فهو نفس المعالج الموجود في الـ Realme 11وهو اعلي منه في السعر فبالتالي المعالج ده بيقدم أداء افضل من السناب دراجون 680 وقريب اوي من الميديا تيك هيلو جي 99.
- وبيساعد المعالج في الأداء القوي دا هو واجهة المستخدم الخفيفة زي ما احنا متعودين من شركة هونر في واجهة المستخدم بتاعتها الـ Magic UI 7.1والشاشة كمان اللي بتيجي بمعدل تحديث عالي فبتساعد الموبايل علي السرعة والسلاسة في الاستخدام.
- الكاميرا الخلفية الأساسية بتاعته بتديك تجربة تصوير مميزة في الدقة وحتي في التصوير في الاضاءات الضعيفة ودا لانها بدقة 100 ميجا بكسل بفتحة عدسة F/1.9 ودا اللي هيخليها تقدم أداء ممتاز زي ما قولنا في مختلف ظروف التصوير سواء في الاضاءات القوية او الاضاءات الضعيفة
- وبالنسبة الي باقي الكاميرات فهي تقدم أداء جيد ليس الأفضل بس بشكل عام مقبولة وبتقدم اللي معمولة علشانه بس مفيش أي حاجة نقول عليها انها خطيرة يعني بسبب الدقة الصغيرة 5 و2 ميجا بكسل، ولكن الكاميرا الامامية دقتها جيدة 16 ميجا بكسل ودا اللي هيخليك تاخد شوتات سيلفي حلوة اوي في الاضاءات القوية.
- وبالنسبة الي تصوير الفيديوهات فالكاميرا بتصور فيديو بدقة 1080 بكسل فقط مع عدد إطارات 30 اطار في الثانية.
- البطارية اللي في الموبايل 4500 مللي امبير هتقعد معاك لغايه اخر اليوم ولو استخدامك تقيل حبتين ممكن تضطر تشحنها مره خلال اليوم، والشاحن اللي بيجي مع الموبايل شاحن سريع 22.5 واط صحيح انه مش اسرع حاجة بس دي لافتة حلوة من هونر انها تحط لك الشاحن في العلبة وكمان شاحن سريع واصلي
- الموبايل يدعم خدمات جوجل بشكل طبيعي جدا وبدون أي خطوات لتثبيتها.
عيوب موبايل HONOR 90 Lite
- الموبايل مش بيدعم ميزة انك تقوم بتركيب كارت ميموري بس هو اصلا بمساحة 256 جيجا بايت ودا اللي هيخليك تقريبا مش محتاج أي ذاكرة خارجية ولو عايز تنقل ملفات فالموبايل بيدعم خاصية الـ OTG
- التليفون مبيدعمش منفذ الـ 3.5 ملم الخاص بالسماعات الاذن العادية يعنى هتحتاج سماعات بلوتوث او هتحتاج انك تشتري سماعة من نوع TYPE-C
- الشاشة بتاعه الموبايل كان من الأفضل ليها انها تيجي من نوع اموليد زي ما كنا نتمنى او كنا متوقعين الصراحة بس للأسف الشاشة بتيجي من نوع IPS واللي بتقدم سطوع اقل بكتير من الشاشات الاموليد وخصوصا وقت استخدامها تحت اشعة الشمس.
- خلونا نقول ان واحد من اهم العيوب اللي هتزعج الناس اللي بتصور فيديوهات هو ان الموبايل مش بيدعم تسجيل الفيديوهات بجودة الـ 4K لانه للأسف بيصور بجودة FHD+ فقط
- التجربة الصوتية مش افضل حاجة بالنسبة للصوت ودا بسبب ان السماعات الخارجية بتاعته صوتها مونو مش استيريو وبالتالي مش هتلاقي أي تفاصيل في الصوت بس هتحس انه عالي.
- مستشعر التقارب للمكالمات بيستخدم السوفت وير وممكن في بعض الأحيان يحصل خطأ في الاستخدام وممكن الشاشة متقفلش وقت المكالمة او اقفل قبلها.
سعر الموبايل
- لسه مأعلنوش عن سعر التليفون بشكل رسمي في مصر حتي الان.
- وبالنسبة للسعر في السعودية فالموبايل بيجي بسعر 950 ريال سعودي للنسخة 256 جيجا مع 8 جيجا رام.
- وبيجي في الإمارات بسعر 900 درهم اماراتي للنسخة 256 جيجا مع 8 جيجا رام.
تقيمنا لموبايل هونر 90 لايت
بشكل عام موبايل هونر 90 لايت موبايل كويس، يستحق الشراء، خاصةً للي بيدور على موبايل بأداء قوي وشاشة مميزة وكاميرا قوية وبسعر مناسب دا غير انه فيه شوية أسباب تخلي هونر 90 لايت خيار كويس:
- الأداء: هونر 90 لايت بيقدم أداء كويس بفضل معالجه Dimensity 6020، اللي بيقدر يشغل المهام اليومية والألعاب الثقيلة بسلاسة.
- الشاشة: شاشة هونر 90 لايت كبيرة ودقة FHD+ ومعدل تحديث 90 هرتز، مما يجعلها رائعة للألعاب ومشاهدة الفيديوهات.
- الكاميرا: كاميرا هونر 90 لايت بتصور صور رائعة في كل الظروف، بفضل الكاميرا الرئيسية بدقة 100 ميجا بكسل.
- السعر: هونر 90 لايت متوفر بسعر مناسب مقارنةً بالمواصفات اللي بيقدمها.
ومع ذلك، فيه شوية نقاط ممكن تتحسن في هونر 90 لايت، زي التصميم اللي ممكن يكون أكثر تميزًا، والبطارية اللي ممكن تكون أكبر، والشحن السريع اللي ممكن يكون أقوى.
بشكل عام، هونر 90 لايت موبايل كويس بيقدم قيمة كويسة مقابل السعر. لو كنت بتدور على موبايل بأداء قوي وشاشة مميزة وكاميرا قوية وبسعر مناسب، فإن هونر 90 لايت خيار كويس ليك.
