شركة ريلمي بتنافس بموبايلات كتير في الفئة المتوسطة، ومن أهم موبايلات ريلمي في الفئة دي هو موبايل ريلمي 11 برو وده بفضل مواصفاته القوية وبالرغم من ان الموبايل من الفئة المتوسطة بس مواصفاته قوية جدًا.
زي ان الشاشة بتاعه الموبايل بتيجي من نوع AMOLED وعلي شكل كيرف من الجوانب بمقاس 6.7 بوصة بدقة FHD+ ومعدل تحديث 120 هرتز، والمعالج الـ Dimensity 7050، والبطارية الـ 5000 مللي أمبير اللي بتدعم الشحن السريع 67 وات، والكاميرا الخلفية 100 ميجا بيكسل اللي بتدعم المثبت البصري.
وفي المقال ده هنتكلم عن المواصفات السريعة للموبايل بالإضافة الي المميزات والعيوب وهل الموبايل يستحق الشراء ام لا.
مواصفات موبايل Realme 11 Pro
- الشاشة: من نوع AMOLED علي شكل كير وتأتي بمساحة 6.7 إنش بدقة الـ 1080×2410 بكسل بمعدل كثافة بكسلات 394 بكسل
- المعالج: من نوع Dimensity 7050 بتكنولوجيا 6 نانو مع معالج رسومي من نوع Mali-G68 MC4
- الذاكرة: الموبايل بيجي بنسخ كتير 128/256/512 جيجا بايت وذاكرة عشوائية 8/12 جيجا بايت.
- الكاميرا: الكاميرا الخلفية 100 + 2 ميجا بكسل والكاميرا الامامية 16 ميجا بكسل.
- البطارية: 5000 مللي أمبير
- نظام التشغيل: اندرويد 13 مع واجهة ريلمي الـ Realme UI 4.0
مميزات الموبايل
- الموبايل بيجي بتصميم حلو و الخامات المستخدمة في تصنيع الهاتف تأتي من البلاستيك أو الجلد وهتلاقي إصدار الجلد ( اللون الأخضر واللون الذهبي ) مع إطار من البلاستيك ووزن الموبايل 191 جرام تقريبا واستخدامه افضل في الايد.
- تصميم الشاشة جيد وحلو اوي دا غير ان النوتش علي شكل ثقب في منتصف الشاشة وكمان الشاشة منحنية من الأطراف دا غير انها بتيجي من نوع AMOLED وتأتي بمساحة 6.7 إنش بدقةFHD+ تصل الي 1080×2410 بكسل بمعدل كثافة بكسلات 394 بكسل لكل بوصة
- الشاشة بتيجي بمعدل تحديث 120 هيرتز ودا اللي بيخليها سلسلة في الاستخدام مع سطوع يصل الي 950 شمعة واللي بيخلي استخدامها تحت اشعة الشمس جيد جدا دا غير ان الشاشة بتيجي داعمة لخاصية الـ HDR10+ مع دعم أكثر من مليار لون واستخدامها ممتاز.
- بطارية كبيرة دا بسبب انها بسعة 5000 مللي أمبير كمان الشركة اطلقت الموبايل بدعم للشحن السريع 67 واط.
- التجربة الصوتية في الموبايل جيد جدا ودا بسبب ان السماعات الخارجية ستيريو بتديك تجربة صوتية مميزة وخصوصا في الألعاب دا غير ان الموبايل يدعم ميكرفون اضافي لعزل الضوضاء.
- كاميرات كويسة، خاصةً الكاميرا الخلفية الأساسية في الإضاءة القوية ودا بسبب ان العدسة الأولى بدقة 100 ميجا بكسل بفتحة عدسة F/1.8 وهي الكاميرا الأساسية وكمان بتدعم المثبت البصري الـ OIS وممكن تصور فيديوهات بدقة 4K وبعدد إطارات 30 اطار في الثانية.
- الكاميرا الثانية بتيجي بدقة قليلة بدقة 2 ميجا بكسل بفتحة عدسة F/2.4 وهي الكاميرا الخاصة بالعزل
- ونيجي بقا لميزة قوية جدا وهي الشبكات القوية وسوفت وير مستقر زي المعتاد من ريلمي، وكمان الموبايل بيجي بمستشعر بصمة سريع ودقيق وبيقدم أداء ممتاز وسريع وقوي.
- الموبايل بيجي بمعالج من شركة ميديا تيك من نوع Dimensity 7050 بتكنولوجيا 6 نانو مع معالج رسومي من نوع Mali-G68 MC4 فهو نفس المعالج الموجود في الـ Realme 11 Pro Plus واللي بيقدم أداء ممتاز وبيساعد المعالج الشاشة السلسلة في الاستخدام.
عيوب الموبايل
- وبالنسبة للعيوب فواحد من اهم العيوب دي هي الخامات من البلاستيك واللي بتغير الوانها مع الاستخدام الطويل بدون أي جراب فلازم تستخدم جراب لحماية الموبايل
- الموبايل مفيهوش أي مقاومة للماء والغبار بأي شهادة ممكنة فلازم تحافظ عليه كويس.
- الموبايل مبيدعمش الشحن اللاسلكي
- الموبايل بيجي بمنفذ شريحة ثنائي فبتستخدم شريحتين اتصال فقط يعني مينفعش تستخدم كارت ذاكرة خارجي واللي ممكن متحتاجوش بسبب الذاكرة الصلبة الجديدة.
- الموبايل مش بيدعم كاميرا تصوير بزاوية واسعة ودي حاجة كتير من المستخدمين بيحبو يصورو صور واسعة لمجموعة من اصحابهم او منظر طبيعي.
- وبالنسبة لتصوير الفيديوهات فالتثبت الإلكتروني الـ EIS لا يعمل أثناء تصوير الفيديوهات بجودة 4K فلازم تكون مثبت ايديك كويس اوي وانت بتصور فيديوهات.
سعر الموبايل
- الموبايل بيجي بعدة نسخ ولكن في مصر النسخة الموجودة بحجم 256 جيجا بايت مع 8 جيجا بايت رام بسعر 13500 جنية مصري وبضمان دولي.
- والنسخة المتاحة في السعودية 256 جيجا بايت مع 8 جيجا بايت رام بسعر 1200 ريال سعودي.
- وبالنسبة للسعر في الإمارات للنسخة 256 جيجا مع 8 جيجا رام بسعر 1000 درهم اماراتي
تقييم الهاتف المختصر
بشكل عام، يعتبر هاتف ريلمي 11 برو هاتفًا ممتازًا في الفئة المتوسطة، ويقدم قيمة جيدة مقابل السعر في رأيي، ريلمي 11 برو هاتف ممتاز بيقدم قيمة جيدة مقابل السعر، وده بفضل المواصفات القوية اللي بيمتلكها، زي الشاشة الممتازة، والأداء القوي، والبطارية القوية، والشحن السريع، والكاميرا الخلفية الممتازة.
طبعًا، فيه بعض العيوب اللي ممكن تفكر فيها قبل الشراء، زي عدم دعم الشحن اللاسلكي وعدم دعم مقاومة الماء والغبار.
بشكل عام، لو بتدور على هاتف ممتاز في الفئة المتوسطة، ريلمي 11 برو خيار كويس جدًا.
