استكشف مزايا وعيوب Xiaomi Poco C65 تكنولوجيا الفئة المتوسطة مراجعة شاملة

آخر الموبايلات اللي أعلنت شركة شاومي بشكل رسمي هو Xiaomi Poco C65 موبايلها الجديد في الفئة الاقتصادية العليا.

ويعتبر الموبايل ده هو أحدث الهواتف التي أعلنت عنها شركة شاومي لينضم إلى سلسلة البوكو في تلك الفئة السعرية.

واللي بيتميز الموبايل ده بمواصفات جيدة وجديدة وبسعر منافس في الأسواق ودا علشان بيجي بشاشة IPS LCD.

واللي بتيجي بحجم كبيرة يصل الي 6.74 بوصة بس بتيجي بدقة HD+ ومعدل تحديث 90 هرتز.

الموبايل كمان بيجي بمعالج من شركة ميديا تيك من نوع  Helio G85 والكاميرا الخلفية ثلاثية الأساسية منها بدقة 50 ميجا بكسل.

وكاميرا أمامية 8 ميجا بكسل دا غير ان الموبايل بيدعم شحن سريع بقوة 18 واط مع بطارية بسعة كبيرة 5000 مللي أمبير.

وفي هذا المقال ده سيتم التعرف على مواصفات سريعة لموبايل Xiaomi Poco C65 وما هي أهم مميزاته وعيوبه وهل يستحق الشراء أم لا.

مواصفات سريعة لموبايل Xiaomi Poco C65

• الشاشة: من نوع IPS LCD وتأتي بمساحة 6.74 إنش بدقة الـ 720×1600 بكسل بمعدل كثافة بكسلات 260 بكسل
• المعالج:   من شركة ميدياتيك من نوع Helio G85 بتكنولوجيا 12 نانو مع معالج رسومي من نوع Mali-G52 MC2
• الذاكرة:  نسختين من الذاكرة الداخلية للتخزين 128/256 جيجا بايت والذاكرة العشوائية 6/8 جيجا بايت
• الكاميرا:  الخلفية مقدمة ثلاثية 50+2+0.08 ميجا بكسل والكاميرا الامامية 8 ميجا بكسل
• البطارية:  5000 مللي أمبير
• نظام التشغيل:  اندرويد 13 بواجهة شاومي الـ MIUI 14 المخصصة لهواتف البوكو

مميزات موبايل شاومي بوكو سي 65

• الموبايل بيجي بالكامل من البلاستيك سواء الظهر او حتي الاطار وبالتالي سيصمد الموبايل في وجه الصدمات الخفيفة واللي بيخلي وزن الموبايل خفيف 192 جرام.
• الموبايل كمان بيدعم مستشعر البصمة اللي موجود في الزرار الجانبي للتشغيل، واللي بيقدم أداء ممتاز في الاستجابة يعني بيفتح الهاتف بسرعة وسهولة بدون الحاجة الي كتابة الرقم السري.
• الموبايل شبكتة كويسة في الاستخدام وكمان بيجي بمستشعرات كتير من أهمها التسارع والبوصلة
• يدعم الموبايل كمان منفذ السماعات الـ 3.5 مم الخاص بسماعات الاذن العادية
• البطارية مقدمة بسعة كبيرة تصل الي 5000 مللي امبير واللي بتدوم لفترة طويلة خلال اليوم وبتقدر تستخدم الهاتف طول اليوم من غير ما تضطر تشحنه.
• الموبايل بيجي كمان بمنفذ الـ USB من النوع الأحدث منفذ USB من النوع  Cوهو نوع أحدث من منافذ USB العادية
• وكمان بيدعم الهاتف الشحن السريع بقوة 18 واط وده اللي بيخليك تشحن الموبايل بسرعة كبيرة.
• وبالرغم من الموبايل يأتي بسعة تخزين داخلية بتاعته كبيرة 128 او 256 جيجا بايت كمان بيدعم تركيب شريحتين اتصال وكارت ميموري في نفس الوقت
• وهذا يعني انك تقدر تحط شريحتين اتصال وكارت ذاكرة في نفس الوقت
• والميزة دي هي اللي بتخليك توسع من مساحة التخزين المتاحة للموبايل من غير ما تستغني عن أي من الخطوط.
• الموبايل بيقدم أداء في الفئة السعرية دي جيد جدا يعني تقدر تستخدم الهاتف في المهام اليومية بسهولة
• وكمان اداءة في الألعاب الخفيفة او الألعاب الحربية زي بابجي كويس بس تقلل الجرافيك لاقل حد ممكن.
• نيجي بقا للشاشة اللي بتيجي كبيرة بمساحة 6.74 إنش بدقة الـ 720×1600 بكسل بمعدل كثافة بكسلات 260 بكسل لكل بوصة ودي بتبقي كافية لمشاهدة الفيديوهات ولعب الألعاب
• كل ده بالإضافة الي ان مع معدل التحديث 90 هيرتز صحيح انه مش اقوي حاجة بس دا المتعارف عليه في الفئة السعرية دي
• واهم الموبايلات هي اللي بتيجي بيها ودا اللي بيساعد في لعب الألعاب
• الشاشة تأتي بمعدل سطوع يصل الي 600 شمعة واللي بيخلي الموبايل يقدم أداء مقبول في الضوء القوي صحيح انه مش اقوي حاجة بس ممتاز
• الشاشة محمية كمان بطبقة حماية من نوع نوع Corning Gorilla Glass  الإصدار الأول لحمايتها من الخدوش والصدمات

عيوب موبايل Xiaomi Poco C65

• الموبايل من البلاستيك فا سهل خدشة وكمان مفيهوش أي اعتمادية للحماية من الماء او حتي الغبار
• مستشعر التقارب في الموبايل سوفت وير واللي بيغلط كتير في إطفاء الشاشة او تشغيلها
• ودا علشان مستشعر التقارب بيشتغل عن طريق الكاميرا الامامية
• الموبايل كمان مبيدعمش الكاميرا الخاصة بالتصوير بزاوية واسعة فده ممكن يقلل من قدراته في التصوير
• والفيديو بشكل خاص علشان كتير من المستخدمين بيستخدمو الكاميرا دي في التصوير.
• السماعات الخارجية بتاعته أحادية، فده معناه إنك مش هتستمتع بالصوت المحيطي أو تسمع مزيكا مع صحابك.
• كان نفسنا الشاشة تيجي بدقة كبيرة زي مثلا FHD+ فده كان هيوفر جودة صورة أفضل
• او حتي تيجي من نوع اموليد بس للأسف الشاشة واحدة من اهم النقاط اللي هتتصنف عيوب في الموبايل ده.
• دا غير ان التصميم في الحواف مش احسن حاجة
• يعني مثلا الحافة السفلية للهاتف كبيرة شوية، فده ممكن يأثر على تجربة الاستخدام.
• مفيش جراب مرفق في العلبة، فده ممكن يتطلب شراء جراب خارجي لحماية الهاتف.
• الشاحن المرفق بالعلبة 10 واط بس، فده أقل من السرعة اللي بتقدمه معظم الهواتف الحديثة.

سعر موبايل شاومي بوكو سي 65

• شركة شاومي لم تعلن عن الهاتف في مصر بعد
  • يعني مش عارفين هينزل امتى ولا هيكون بسعر كام وهيكون له ضمان ولا هيبقي ضمان دولي.
• اما بالنسبة الي السعر في الإمارات
  • للنسخة اللي بمساحة تخزين 256 جيجا بايت وذاكرة وصول عشوائي 8 جيجا بايت في الإمارات بسعر 450 درهم إماراتي.
• والسعر في السعودية
  • للنسخة اللي بمساحة تخزين 256 جيجا بايت وذاكرة وصول عشوائي 8 جيجا بايت في السعودية بسعر 500 ريال سعودي تقريبا

تقيمنا لموبايل Xiaomi Poco C65

• بشكل عام، يعتبر هاتف Xiaomi Poco C65 موبايل كويس في الفئة الاقتصادية.
• الموبايل بيتميز بشاشة كبيرة بمعدل تحديث 90 هيرتز، ومعالج Helio G85 اللي بيقدم أداء كويس في المهام اليومية
• وبطارية 5000 مللي امبير كبيرة تدوم لفترة طويلة خلال اليوم.
• بس الموبايل ناقص بعض المميزات اللي ممكن بعض المستخدمين يفضلوها، زي كاميرا التصوير الواسع، والسماعات الخارجية الاستريو
• دا غير ان الشاحن السريع بقوة 20 واط أو أكتر  ويعتبر الموبايل نسخة من Redmi 13C في المواصفات
• وبشكل عام يعتبر الموبايل يستحق الشراء في حالة كنت بتدور على موبايل كويس في الفئة الاقتصادية
• ويتميز بشاشة كبيرة ومعدل تحديث عالي، ومعالج كويس، وبطارية تدوم لفترة طويلة.