نزلت أوبو تليفونها الجديد من سلسلة رينو وهو الـ Oppo Reno 10 5G وهو أحدث تليفون اصدرتة شركة اوبو في الفئة المتوسطة واللي معروف عن الشركة انها بتنزل تليفونات رينو بتصميمات مميزة
واللي بيقدمه مش استثناء عن الفئة دي من الموبايلات ودا بسبب الشاشة اللي بتيجي من نوع AMOLED وكمان بتصميم منحني من الأطراف بمساحة 6.7 بوصة، وبتدعم معدل تحديث 120 هرتز.
وكمان المعالج اللي فيه من شركة ميديا تيك من نوع Dimensity 7050 واللي بيقدم أداء ممتاز كل دا غير الكاميرات الخلفية الثلاثية اللي بتيجي العدسة الرئيسية بدقة 64 ميجا بكسل
كل دا غير باقي الكاميرات الواسعة والماكرو والكاميرا الأمامية بدقة 32 ميجا بكسل، والبطارية بتيجي بسعة كبيرة 5000 مللي أمبير وكمان بتدعم الشحن السريع 67 واط.
في المقال ده بقا هنعرف مواصفات سريعة للموبايل واهم العيوب والمميزات وهل الموبايل فعلا يستحق الشراء او لا في السطور اللي جاية.
مواصفات سريعة لموبايل Oppo Reno 10 5G
- الشاشة: من نوع AMOLED منحنية الأطراف بمساحة 6.7 بوصة بدقة الـ 1080×2412 بكسل بمعدل كثافة بكسلات 394 بكسل
- المعالج: من شركة ميديا تيك من نوع Dimensity 7050 بتكنولوجيا 6 نانو مع معالج رسومي من نوع Mali-G68 MC4
- الذاكرة: بذاكرة صلبة بسعة 256 جيجا بايت من نوع UFS 2.2 مع ذاكرة عشوائية بسعة 8 جيجا بايت
- الكاميرا: الخلفية ثلاثية 64+32+8 ميجا بكسل والكاميرا الامامية بدقة 32 ميجا بكسل.
- البطارية: 5000 مللي أمبير
- نظام التشغيل: اندرويد 13 مع واجهة أوبو الأحدث الـ ColorOS 13.1
مميزات الموبايل
- يتميز موبايل اوبو الجديد بتصميم مميز وفريد من نوعه، مع خامات جيدة جداً من الزجاج والاطار من البلاستيك والتصميم بيجي بانحرافات من الأطراف ودا اللي بيخلي الموبايل استخدامة في اليد سهل
- الموبايل بيجي ببطارية كبيرة من حيث السعة 5000 مللي امبير الشركة أعلنت ان الشحن المرفق مع الموبايل بقدرة عالية 67 واط ودا اللي بيخلي الموبايل بيشحن اسرع من المعتاد .
- بالنسبة الي التجربة الصوتية للموبايل فالصوت في الموبايل ثنائي استريو وكمان عالي ومميز دا غير ان التليفون فيه مايك تاني لعزل الضوضاء اثناء المكالمات.
- يدعم الموبايل خاصية التوصيل القريب الـ NFC واللي تقدر تدفع بيها اون لاين، دا غير انه بيدعم مستشعر الـ IR اللي بتستخدم الموبايل كأنه ريموت.
- تصميم الشاشة علي شكل ثقب صغير في المنتصف وكمان بتيجي من نوع AMOLED وكمان منحنية الأطراف بمساحة 6.7 إنش بدقة الـ 1080×2412 بكسل بمعدل كثافة بكسلات 394 بكسل لكل بوصة
- الشاشة كمان بتيجي بمعدل تحديث عالي بيوصل لـ 120 هيرتز دا غير انها كمان بتدعم خاصية الـ HDR10+ مع دعم أكثر من مليار لون ودا اللي بيخلي تجربة المشاهدة اكتر من ممتازة
- اما بالنسبة الي استخدام الشاشة تحت اشعة الشمس فهو جيد جدا ودا بسبب ان السطوع يصل الي 950 شمعة فهتلاقي التفاصيل تحت اشعة الشمس ممتازة
- الموبايل بيدعم تركيب كارت ذاكرة خارجي بالرغم من انه بيجي بذاكرة 256 جيجا بايت ولكن مكان الشريحة الثانية وبالتالي لابد انك تستغني عن الشريحة الثانية والموبايل يبقي فيه خط واحد بس
- صحيح ان المعالج المستخدم من شركة ميديا تيك من نوع Dimensity 7050 بتكنولوجيا 6 نانو مع معالج رسومي من نوع Mali-G68 MC4 فهو نفس المعالج الموجود في الـ Realme 11 Pro والـ Realme 11 Pro Plus فا مش هتلاقي أي تغير في الأداء وهما بالمناسبة بيقدمو أداء كويس جدا
- أداء الكاميرات جيد جدا مقارنة بالكاميرات في الفئة السعرية اللي بيجي فيها الموبايل ودا لان الكاميرا الخلفية ثلاثية الأساسية بتيجي بدقة 64 ميجا بكسل بفتحة عدسة F/1.7 ودا اللي هيسمح بدخول كمية ضوء كبيرة دا غير ان مستشعر الكاميرا من نوع OV64B ودا اللي هيساعدك في أداء الكاميرا وهيخليها ممتاز
- تاني كاميرا من الثلاث كاميرات هي الكاميرا الخاصة بالعزل وتصوير البورترية ودي بتيجي بدقة 32 ميجا بكسل بفتحة عدسة F/2.0 بمستشعر سوني IMX709 وهي ودي بتدعم التقريب البصري حتي مرتين بدون فقدان أي تفاصيل و20 مره تقريب ديجيتال هتفقد معاه شوية تفاصيل
- الكاميرا الثالثة ودي بتيجي بدقة 8 ميجا بكسل بفتحة عدسة F/2.2 وهي الكاميرا الخاصة بالتصوير بزاوية واسعة ودي ميزة قوية مش موجودة في بعض الموبايلات في الفئة السعرية دي
- الكاميرا الامامية دقتها كبيرة تأتي بدقة 32 ميجا بكسل بفتحة عدسة F/2.4 مستشعر OV32C ودا اللي هيخليك تاخد صور سيلفي كويسة اوي في الاضاءات القوية وحتي في الاضاءات الضعيفة.
عيوب الهاتف
- الموبايل مفيهوش أي دعم للحماية من الماية والغبار بأي شهادة ولم تعلن الشركة بشكل رسمي حتي الان وعلشان كده لازم تستخدم الموبايل بحرص
- الاطار البلاستيكي الخاص بالموبايل بيخليه عرضة للخدش وبيتغير لونه مع الاستخدام لفترات طويلة
- لا يدعم هاتف Oppo Reno 10 Pro Plus 5G فتحة 3.5 ملم الخاص بسماعات الاذن، مما يعني أنه يجب عليك استخدام سماعات بلوتوث أو محول USB-C إلى 3.5 ملم
- موبايل اوبو الجديد الـ Oppo Reno 10 Pro Plus 5G لا يدعم حماية معتمدة للماء، مما يعني أنه يجب عليك توخي الحذر عند استخدامه في البيئات الرطبة أو الممطرة
- تدعم كاميرا هاتف Oppo Reno 10 Pro Plus 5G تصوير الفيديو بدقة 1080p فقط، وهو أمر مخيب للآمال بعض الشيء بالنسبة لهاتف في هذه الفئة السعرية
- تتميز كاميرا هاتف Oppo Reno 10 Pro Plus 5G بأداء جيد بشكل عام، ولكنها تقدم تجربة أقل بفرق بسيط من كاميرا هاتف Realme 11 Pro+ و Vivo V27، وهي هواتف من نفس الشركة الام التابعة لاتحاد الـ BBK.
سعر موبايل اوبو رينو 10 5g
- الموبايل بيجي في السعر العالمي للنسخة 256 جيجا بايت مع 8 جيجا بايت رام حوالي تقريبا 450 دولار .
- اما بقا سعر النسخة الـ 256 جيجا بايت مع 8 جيجا بايت رام بسعر 16500 جنية بس هتلاقيه في المحلات بضمان دولي
- وممكن في بعض المحلات التانيه لنفس النسخة بسعر 20000 جنية مصري بس بضمان محلي .
- وبالنسبة للسعر في السعودية للنسخة 256 جيجا مع 8 جيجا رام بسعر 1500 ريال سعودي.
- اما السعر في الإمارات للنسخة 256 جيجا مع 8 جيجا رام بسعر 1350 درهم اماراتي.
تقيمنا لموبايل اوبو رينو 10 5g
بشكل عام موبايل اوبو رينو 10 برو النسخة اللي بتدعم شبكات الجيل الخامس واحد من اهم خيارات الشراء في الفئة السعرية دي ودا بسبب التصميم الممتاز والأنيق دا غير الشاشة اللي بتقدم أداء ممتاز وأداء قوي في مختلف الاستخدامات وحتي في الألعاب اللي بتحتاج أداء قوي دا غير البطارية الكبيرة.
ومع ذلك خلينا نقول ان سعره المرتفع وكمان مفيهوش منفذ الـ 3.5 ملم الخاص بسماعات الاذن دا غير انه مفيهوش أي حماية معتمدة للماء وكمان ان الكاميرا الامامية مبتصورش فيديوهات غير بدقة 1080 بس دي حاجة في بعض الأحيان بتضايق بعض المستخدمين
ولكن في النهاية القرار ليك في الاخر تشتري او لا.
